Smart Phones for Kisaan in Punjab

لاہور(نیوزرپورٹر)حکومت پنجاب نے کاشتکاروں کو جدید زرعی معلومات کی بروقت فراہمی کو یقینی بنانے کیلئے پہلے مرحلے میں خادم پنجاب کسان پیکج کے تحت1 لاکھ10 ہزار پہلے سے رجسٹرڈ کاشتکاروں کو سمارٹ فون فراہم کیے جا رہے ہیں۔اس سلسلے میں 12 مارچ 2018 کولاہور کے ایک مقامی ہوٹل میں ایک تقریب کا انعقاد کیا جا ئے گا ۔ اس پروگرام اس تمام تر عمل میں پنجاب انفارمیشن ٹیکنالوجی بورڈ اور ٹیلی نار پاکستان محکمہ زراعت کے ہم قدم شریک ہیں ۔ان سمارٹ فونز میں وہ تمام ایپلکشنز موجود ہیں جن کے ذریعے کاشتکار ایک ” ڈیجٹیل ایکو سسٹم” کے تحت زرعی تحقیق کے نتائج، فصلوں کی جدید پیداواری ٹیکنالوجی،موسمیاتی تبدیلیوں ،حکومتی سبسڈی ،منڈیوں کے بھائو،زرعی ماہرین سے رابطہ،کراپ کیلنڈر اور زرعی کسان ٹی وی سمیت بہت ساری معلومات سے گھر بیٹھے مستفید ہو سکے گا۔